Beýik Britaniýadan petegiň eýesi EuroMillions lotereýasynda 171 mln funt sterlingden gowrak (takmynan, 185,7 mln dollar) utdy. Bu barada kompaniýadan ýeňijiler bilen işleşmek boýunça uly geňeşçi Endi Karter habar berdi.
Karter munuň lotereýanyň taryhynda üçünji uly utuşdygyny hem belledi.
Öň, Sky News teleýaýlymy Beýik Britaniýada diňe 15 adamyň EuroMillions-da 100 mln funt sterlingden gowrak gazanandygyny hasaplady. Rekord 20-nji iýulda, Birleşen Korollygyň ýaşaýjysy 195 mln funt sterling (şol wagtky hümmet boýunça 234,5 mln dollar) utanda goýuldy. Şondan iki aý öň, maý aýynda Angliýanyň günorta-günbataryndaky Glosterşir graflygyndan maşgala jübüti 184,3 mln funt sterling (227 mln dollar) utdy.
EuroMillions lotereýasy Ýewropada 2004-nji ýyldan bäri geçirilýär. Lotereýanyň düzgünlerine laýyklykda, ýeňijiniň adyny atlandyrmazlyga hukugy bar.
