Şweýsariýaly tennisçi Rojer Federer karýerasyndaky jemleýji oýnuny jübüt bolup oýnar, onuň ýoldaşy bolsa ispaniýaly Rafael Nadal bolar. Bu barada Federer sosial ulgamlarda ýazdy diýip, sport-interfax.ru habar berýär.
Oýun anna güni Londondaky Leýweriň kubogy üçin ýaryşlaryň çäginde geçiriler. Federer bilen Nadalyň garşydaşlary amerikalylar Jek Sok bilen Frensis Tiafo bolar.
Öň, 41 ýaşly Federer karýerasyny tamamlaýandygyny mälim etdi. Ol “Uly tuwulga” ýaryşlarynyň 20 gezek ýeňijisidir. Onuň hasabynda jemi 111 titul bolup, şolardan 103-sinde ýekelikde ýeňiş gazandy.
Federeriň soňky resmi oýny 2021-nji ýylyň iýul aýynda bolup, ol “Uimbledon” ýaryşynyň dörtden bir finalynda polşaly Hubert Gurkaçdan ýeňildi.
Nadal barada aýdylanda, oňa garşy Federer 40 resmi oýun oýnady. Ýeňiş sany boýunça Nadal üstün çykýar – 24 ýeňiş we 16 ýeňliş.