«Barselona» Kundeniň transferi boýunça ylalaşyk gazandy

«Barselona» Kundeniň transferi boýunça ylalaşyk gazandy

«Barselonanyň» metbugat gullugy goragçy Žýul Kundeni toparyna almak hakynda «Sewilýa» bilen ylalaşyk gazanandygyny habar berdi. Häzirki wagtda gürrüň diňe ylalaşyk hakynda barýar, şertnama heniz gol çekilenok.

«Kundeniň transferi boýunça prinsipial ylalaşyk gazanyldy», — diýip, «Barselonanyň» metbugat gullugy habar berýär.

23 ýaşly Kunde «Bordonyň» ýetişdiren oýunçysy. Fransuz klubunyň düzüminde goragçy 70 duşuşykda dört gol geçirdi we bir sany netijeli ýardam pasyny berdi. 2019-njy ýylda Žýul «Sewilýa» geçdi we şol wagtdan bäri 133 oýunda 9 gezek gol geçirip, üç gezek netijeli pas berdi. Taraplaryň arasyndaky ylalaşyk iki ýyldan tamamlanýar.
2021-nji ýylyň iýun aýynda Kunde ilkinji gezek Fransiýanyň milli ýygyndysynyň düzüminde çykyş etdi. Goragçy ýygyndyny düzüminde 11 oýna gatnaşdy, 1 sany sary we 1 sany gyzyl duýduryş aldy.