Ýewropada we Aziýada eSIM tehnologiýasy uly meşhurlyga eýe bolýar, Apple-iň hem iPhone 14 smartfonlarynda fiziki SIM-kartlar üçin slot (ýer) bolmaz diýip, gazeta.ru ýazýar.
Apple, megerem, iPhone-nyň birnäçe modifikasiýasyny - hem fiziki we sanly SIM-kartlysyny, hem-de diňe eSIM bilen işleýänini çykarar. Ýagny kompaniýa köpçüligiň bazary üçin SIM-kart goýup bolýan modeli hem saklar.
Smartfonyň tora eSIM-iň üsti bilen çatylýan görnüşi diňe bu adybir tehnologiýanyň giňden ýaýran ýurtlarynda satylsa gerek.
eSIM tehnologiýasy ilkinji gezek iPhone Xs we Xr-de peýda bolupdy. iPhone 13-iň çykmagy bilen, kompaniýa ulanyjylara birbada iki eSIM ulanmaga mümkinçilik döretdi.