Toyota bilen Suzuki Hindistan üçin ýolsuz ýerden ýöreýän gibrid awtoulaglary öndürer

Toyota bilen Suzuki Hindistan üçin ýolsuz ýerden ýöreýän gibrid awtoulaglary öndürer

Ýaponiýanyň Toyota Motor we Suzuki Motor awtoöndürijileri Hindistanyň bazary üçin ýolsuz ýerden ýöremäge ukyply gibrid awtoulaglary (sport utility vehicle, SUV) öndürer. Bu barada interfax.ru habar berýär.

Iki kompaniýanyň metbugat relizinde habar berlişi ýaly, olar awgust aýyndan Suzuki tarapyndan Toyota Kirloskar Motor Pvt. zawodynda işlenip düzülen gibrid awtomobiliň bilelikdäki önümçiligine başlarlar.
Soňra kompaniýalar üpjünçiligi dünýäniň beýleki ýurtlary, şol sanda Afrikanyň ýurtlary üçin hem giňeltmegi maksat edinýärler. Toyota bilen Suzuki-niň arasynda halkara arenasynda hyzmatdaşlyk etmek baradaky şertnama 2017-nji ýylda gol çekildi.
Anna güni Ýaponiýadaky söwdada Toyota-nyň paýnamalarynyň bahasy 0,7% peseldi. Suzuki-niň gymmatly kagyzlary 2,6% gymmatlady.