Britaniýada inflýasiýa soňky 40 ýylda iň ýokary görkezijä ýetdi

Britaniýada inflýasiýa soňky 40 ýylda iň ýokary görkezijä ýetdi

Beýik Britaniýada inflýasiýanyň derejesi, maý aýynyň netijelerine görä, ýyllyk aňlatmasynda 9,1%-e çenli ýokarlandy, bu bolsa 40 ýylyň dowamynda iň ýokary görkeziji boldy. Muny Birleşen Korollygyň Milli statistika gullugynyň ýaýradan hasabaty delillendirýär diýip, TASS-a salgylanyp, Trend habar berýär.

Bellenilişi ýaly, inflýasiýa, esasan, ýurtda elektrik energiýasy üçin bahalaryň ýokarky çäginiň ýokarlanmagy we Ukrainadaky ýagdaýlar sebäpli Ýewropada güýçlenýän energetika çökgünliginiň esasynda ýangyjyň bahasynyň ýokarlanmagy bilen baglanyşykly boldy. Aprel aýynda sarp ediji bahalarynyň indeksi geçen ýylyň degişli aýy bilen deňeşdirilende 9% ýokarlandy.
Angliýanyň Bankynyň soňky hasaplamalaryna görä, güýzde ýurtda inflýasiýanyň derejesi 11%-e çenli ýokarlanar. Mart aýynda Londonyň Ykdysady we biznes gözlegleriniň merkezi doklad çykaryp, onda Beýik Britaniýanyň 1950-nji ýyllardan bäri ýaşaýyş derejesiniň güýçli pese gaçyşy bilen ýüzbe-ýüz bolup biljekdigini duýdurdy.