Katarda geçiriljek 2022-nji ýylyň futbol boýunça dünýä çempionatyna gatnaşjak 32 milli ýygyndynyň 30-sy belli boldy. Bu barada gazeta.ru habar berýär.
DÇ-2022 üçin Ýewropanyň milli ýygyndylarynyň arasyndan Belgiýa, Angliýa, Daniýa, Germaniýa, Ispaniýa, Polşa, Niderlandlar, Portugaliýa, Fransiýa, Serbiýa, Horwatiýa, Şweýsariýa we Uels saýlandy.
Günorta Amerika: Braziliýa, Ekwador, Argentina, Urugwaý.
Afrika: Gana, Marokko, Kamerun, Senegal, Tunis.
Aziýa: Eýran, Saud Arabystany, Katar (guramaçy ýurt hökmünde), Günorta Koreýa, Ýaponiýa.
Demirgazyk Amerika: ABŞ, Kanada, Meksika.
Futbol boýunça dünýä çempionatynyň final ýaryşy 21-nji noýabrdan 18-nji dekabr aralygynda Katarda geçiriler.
Galan iki ýollama ugrunda Kosta-Rika bilen Täze Zelandiýanyň milli ýygyndylary (oýun 14-nji iýunda geçiriler), şeýle-de Peru – (BAE/Awstraliýa) (13-nji iýun) jübüti göreşer.
