«Türkhowaýollary» awiakompaniýasy içerki gatnawlarda lukmançylyk örtüklerini ulanmak baradaky talaby ýatyrdy. Trend agentliginiň habar bermegine görä, bu barada awiakompaniýanyň baş direktory Bilal Ekşi özüniň Twitterdäki sahypasynda ýazdy.
Şol bir wagtyň özünde ol halkara gatnawlarynda lukmançylyk agyz-burun örtükleriniň ulanylyp-ulanylmazlygy baryljak ýurduň talaplaryna baglydyr diýip belledi.
Öň Türkiýäniň saglygy goraýyş ministri Fahrettin Kojanyň ýurduň çäginde, saglygy goraýyş edaralaryndan başga ýerlerde, lukmançylyk örtüklerini ulanmak hakyndaky talaplaryň ýatyrylýandygyny mälim edendigini ýatladýarys.
