«Türkmenhowaýollary» Kazana we Dubaýa uçuş peteklerini satyp başlady

«Türkmenhowaýollary» Kazana we Dubaýa uçuş peteklerini satyp başlady

«Türkmenistan» awiakompaniýasy Türkmenistandan Kazan we Dubaý şäherlerine yzygiderli uçar gatnawlary üçin awiapetekleriň satuwyna başlady. Ilkinji uçar Türkmenistandan 30-njy maýda amala aşyrylar.

Kazan şäherine gatnawlar her hepdäniň çarşenbe günleri amala aşyrylar. Aşgabatdan uçar sagat 14:55-de ugrap, Russiýanyň bu şäherine ýerli wagt bilen 16:30-da gonar.
Howa gämisi Kazandan yzyna – Türkmenistana sagat 19:00-da ugrap, türkmen paýtagtyna 00:00-da gonar (çarşenbeden penşenbä geçilýän gije).
Dubaý şäherine awiagatnawlar her hepdäniň duşenbe günleri amala aşyrylar. Aşgabatdan uçarlar sagat 12:20-de ugrap, BAE-ne sagat 13:50-de gonar. Dubaýdan yzyna, türkmen paýtagtyna howa gämisi sagat 15:20-de ugrap, Türkmenistana 19:00-da geler.
Awiapetegiň bir tarapynyň bahasy – Türkmenistandan Kazana çenli 8020 manat, Türkmenistandan Dubaýa çenli bolsa – 6700 manat.
Goşmaça magumat almak üçin şu belgilere jaň edip bilersiňiz: +99312391717; +99312391720; 085.