Dünýäniň birinji raketkasy serbiýaly Nowak Jokowiç 19 ýaşly ispaniýaly türgen Karlos Alkarasy (6) şu möwsümiň iň oňat oýunçysy hasaplaýar.
Tennisçileriň Madridde (Ispaniýa) "Masters" seriýasynyň toprakda oýnalýan tennis turniriniň ýarym finalynda duşuşandyklaryny we üç sany dowamly oýnuň jemleri boýunça Alkarasyň ýeňendigini ýatladýarys.
"Häzirlikçe ol dünýäniň, gürrüňsiz, iň gowy oýunçysy. Oýnuň dowamynda onuň basyşa bäs gelip bilşi, ahyryna çenli rahatlygyny saklaýşy, hakykatdanam, örän täsirli. Ol titula mynasyp.
Onuň oýnaýşynda ähli zat täsin. Ol hüjümde-de, goragda-da birmeňzeş ökde oýnap bilýän tüýs köptaraply oýunçy. " - diýip, Jokowiç Rimde "Masters"-e bagyşlanyp geçirilen metbugat konferensiýasynda belledi.