Kasym Žomart-Tokaýew häkimlik edýän partiýanyň ýolbaşçysy wezipesinden aýryldy

Kasym Žomart-Tokaýew häkimlik edýän partiýanyň ýolbaşçysy wezipesinden aýryldy

Gazagystanyň prezidenti Kasym-Žomart Tokaýew häkimlik edýän "Amanat" atly partiýanyň başlygynyň ygtyýarlyklaryny öz boýnundan aýyrmagy we ondan çykmagy karar edendigini mälim etdi. Bu barada TengriNews habar berýär.

"Şu günden başlap men "Amanat"-yň başlygynyň ygtyýarlyklaryny boýnumdan aýryp, partiýadan çykmaly diýen karara geldim. Bu ädimiň simwoliki manysy bar" - diýip, Tokaýew "Amanat"-yň gurultaýynda aýtdy. Onuň sözlerine görä, döwletiň baştutany hiç bir partiýa artykmaçlyk bermeli däldir.

"Bu meniň garaýşym. <...> Partiýa ýerine ýetiriji häkimiýete bagly däl bolsa, oňa halkyň ynamy güýçlenýär, abraýy artýar" - diýip, Tokaýew mälim etdi. 

Partiýanyň täze başlyklygyna Tokaýewiň hödürlän dalaşgärini - respublikanyň parlamentiniň (mejlisiniň) aşaky palatasynyň spikeri Ýerlan Koşanowy saýladylar. "Ýerlan Žakanowiçiň ýokary guramaçylyk ukyby bar, ol terjibesi ýetik, işini bilýän raýat" - diýip, Gazagystanyň prezidenti aýtdy.
Tokaýewi häkimlik edýän partiýanyň başlyklygyna 2022-nji ýylyň ýanwarynyň ahyrynda saýlapdylar. Şol wagt partiýa "Nur Otan" ("Watan Nury") diýip atlandyrylýardy. Tokaýewden öň oňa Gazagystanyň öňki prezidenti Nursoltan Nazarbaýew baştutanlyk edipdi.