Çempionlar ligasynyň çärýek final tapgyrynyň jogap duşuşygynda Angliýanyň «Mançester Siti» kluby ispanlaryň «Atletikosy» bilen deňme-deňlikde oýnady we iki oýnuň netijesi boýunça ýarym finala çykdy.
Madridde geçirilen duşuşyk 0:0 hasabynda tamamlandy. Bu klublaryň arasyndaky birinji oýun mançesterlileriň peýdasyna 1:0 hasabynda tamamlanypdy.
Ýarym finalda «Mançetser Siti» ispanlaryň «Realy» bilen duşuşar. «Real» öňküsi gün «Çelsini» ýaryşdan çykarypdy.
Belläp geçsek, «Man Siti» Çempionlar ligasynyň geçen möwsüminde final duşuşygynda «Çelsiden» ýeňlipdi.
