Ýewropanyň Futbol assosiasiýalarynyň birleşigi (UEFA) Çempionlar ligasynyň finalyny Sankt-Peterburgdan Pariže geçirdi. Bu barada UEFA-nyň metbugat gullugy habar berýär diýip, TASS belleýär.
Çempionlar ligasynyň final oýny Parižiň “Stad de Frans” stadionynda geçiriler. Geçirmek baradaky karar UEFA-nyň Ýerine ýetiriji komitetiniň nobatdan daşary mejlisinde kabul edildi. Ilkibaşda oýun “Zenitiň” öý stadiony bolan “Gazprom-Arenada” geçmelidi.
“UEFA çökgünlik döwründe Ýewropanyň klublaýyn futbolynyň iň abraýly oýnuny Fransiýa geçirmäge şahsy goldawy we ýykgynlylygy üçin Fransiýanyň prezidenti Emmanuel Makrona minnetdarlyk bildirmek isleýär” – diýlip, metbugat gullugynyň habarynda aýdylýar.
Şeýle-de, UEFA-nyň Ýerine ýetiriji komiteti hukuk we fakt ýagdaýyna ösüşine görä baha bermek hem-de zerur bolanda goşmaça karar kabul etmek üçin yzygiderli esasda goşmaça nobatdan daşary mejlisleri çagyrmak üçin garaşar.
“Stad de Frans” taryhda üçünji gezek Çempionlar ligasynyň finalyny kabul eder. Mundan öň, Parižiň bu stadionynda 2000-nji ýylda Ispaniýanyň “Real” we “Walensiýa” klublarynyň, şeýle-de 2006-njy ýylda Ispaniýanyň “Barselona” bilen Angliýanyň “Arsenal” klubunyň final duşuşygy geçirildi.
Çempionlar ligasynyň finaly 2022-nji ýylyň 28-nji maýynda bolar.