Häzirki günde syn edilýän global ýylama soňky 200 müň ýylda iň güýçlüsi hasaplanýar. Bu barada Bütindünýä Meteorologiýa Guramasynyň (BMG) Baş sekretary Petteri Taalas TASS-yň baş direktorynyň birinji orunbasary Mihail Gusman bilen geçirilen aýratyn söhbetdeşlikde aýtdy diýip, Trend habar berýär.
Onuň aýtmagyna görä, soňky 100 ýylyň wakalary özboluşlydyr. “Biz planetanyň gazylyp alynýan baýlyklaryny – nebiti we gazy ulanyp başladyk, bu hem atmosfera goýberilýän kömürturşy gazynyň zyňyndylarynyň köpelmegine getirdi, bular, öz gezeginde, atmosferanyň aşaky gatlaklarynyň temperaturasyny ýokarlandyrýan bug gazlarydyr. Şeýle güýçli ýylama eýýäm 200 müň ýyl bäri bolanokdy. Kömür, nebit we gaz ýokary derejede ýakylmadyk halatynda bu hadysanyň bolup bilmejekdigine bolsa örän takyk ylmy subutnamalar bar” – diýip, Taalas düşündirdi.