Türkmenistan 2021-nji ýylyň ýanwar-oktýabr aýlarynda goňşy Özbegistana 136 million litr benzin eksport etdi. Muňa Özbegistanyň Statistika baradaky döwlet komitetiniň maglumatlary şaýatlyk edýär. Bu döwürde Özbegistan benziniň importyny, umumylykda, 40% artdyrdy diýip, özbek habar beriş serişdeleri ýazýar.
Türkmenistan Özbegistana awtomobil ýangyjyny ibermek boýunça ilkinji üçlüge girdi. Bu görkeziji babatda öňdeligi Özbegistana 142,3 million litr benzin eksport eden Russiýa eýeleýär. Üçlügi 2021-nji ýylyň on aýynda 16 million litr benzin eksport eden Gazagystan jemleýär.
Hasabat döwründe Özbegistanyň özünde 902,7 müň tonna benzin öndürildi. Onuň esasy bölegini AI-80 awtomobil ýangyjy eýeleýär. Özbegistan has ýokary hilli benzini işläp taýýarlamaklyga geçmek üçin 2022-nji ýylda onuň önümçiligini doly bes etmegi meýilleşdirýär.
