BMG: Madagaskarda 1,3 mln adam açlyk çekýär

  • 21.11.2021 23:02
  • 13k+

Madagaskar adasynda adatdan daşary gurakçylyk sebäpli azyndan 1,3 mln adam açlykdan ejir çekýär. Adamlar kaktuslar we çekirtgeler bilen iýmitlenýärler. Bu barada BMG-niň Madagaskar üçin ynsanperwer kömeginiň utgaşdyryjysy Issa Sanogo aýtdy. Muny Day.Az ýetirýär. 

“Men halkara jemgyýetçiligini klimat çökgünliginiň esasy kynçylygyna sezewar bolan Madagaskaryň ýaşaýjylary bilen raýdaşlyk görkezmäge, ynsanperwer betbagtçylygynyň öňüni almak üçin maliýe kömegini bermäge çagyrýaryn” – diýip, Sanogo aýtdy.

Utgaşdyryjynyň aýtmagyna görä, soňky 40 ýylda çäge tupanlary we zyýanly mör-möjekleriň çozuşy bilen utgaşan güýçli gurakçylygyň netijeleri adanyň günortadaky ýaşaýjylaryna eýýäm azyndan üç ýyl bäri öz iýmit önümlerini ösdürip ýetişdirmäge mümkinçilik bermeýär.

Gurakçylygyň netijesinde 1,3 milliondan gowrak adam güýçli açlyk, şol sanda 30 müň töweregi adam jana howp salýan şertler bilen ýüzbe-ýüz boldy. 

“Aýallar, çagalar, maşgalalar bu gurakçylykdan halas galmak üçin kaktus ýa-da çekirtge iýýärler, ýarym milliondan gowrak çaga doýmazlykdan ejir çekýär. Bu hadysa klimatyň üýtgemegine sähel gatnaşýan ýurtda we sebitde bolup geçýär” – diýip, ol aýtdy.

Käbir maşgalalar “biraz wagta ýetjek az mukdarda iýmit satyn almak üçin pitä we saja çenli şahsy emläkleriniň hemmesini satmaly boldular” diýip, Sanogo aýtdy we dünýäniň bu maşgalalara kömek etmek üçin häzirden hereket etmelidigini sözüniň üstüne goşdy.


düýn 10:16
1.6k+

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

27.11.2025 12:41
3.1k+

Türkmenistan Adwokatlaryň Milli hünär assosiasiýasyny döretmek ugrunda iş alyp barýar

Türkmenistanda Adwokatlaryň milli hünär assosiasiýasyny döretmek meselesi ara alnyp maslahatlaşylýar. Bu mowzuk 21-nji noýabrda Aşgabatda geçirilen we ýuridik kömek ulgamyny ösdürmäge hem-de adam hukuklaryny goramakda aklawçylaryň roluny güýçlendirmäge bagyşlanan tegelek stoluň merkezi meselesi boldy...

26.11.2025 17:48
5.1k+

BMG Baş sekretar wezipesine dalaşgärleri saýlap almak işine başlady

Birleşen Milletler Guramasynyň (BMG) Baş sekretary wezipesine täze dalaşgärleri hödürlemek prosesi Howpsuzlyk Geňeşi bilen Baş Assambleýanyň bilelikdäki beýanatyndan soň başlady. Saýlaw işleriniň başlanandygy baradaky...

14.11.2025 18:57
4.3k+

Oguljahan Atabaýewa BMG-niň Türkmenistandaky hemişelik utgaşdyryjysy bilen duşuşdy

13-nji noýabrda Türkmenistanyň Zenanlar birleşiginde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa BMG-niň Türkmenistandaky hemişelik utgaşdyryjysy Dmitriý Şlapaçenko bilen duşuşdy...