2022-nji ýylda klimat boýunça konferensiýa Müsürde geçiriler

2022-nji ýylda klimat boýunça konferensiýa Müsürde geçiriler

2022-nji ýylda (COP27) BMG-niň howanyň üýtgemegi baradaky Çarçuwaly konwensiýasynyň taraplarynyň konferensiýasy Müsürde, 2023-nji ýylda (COP28) BAE-de geçiriler. Bu barada COP26-nyň başlygy we Britaniýanyň Ministrler kabinetiniň agzasy Alok Şarma salgylanyp, TASS habar berýär. Muny www.belta.by ýetirýär.

“Eger garşylyk ýok bolsa, onda şeýle karar berler” – diýip, Şarma aýtdy, şondan soň häzirki konferensiýanyň maksatnamasy kabul edildi. Onda “sebit toparlarynyň arasynda rotasiýa ýörelgelerini ulanmagy dowam etdirmek bilen, COP27-ni kabul etjek ýurduň Afrika döwletini, COP28-i kabul etjek ýurduň Aziýa-Ýuwaş umman sebitiniň döwletini görkezmelidigi” aýdylýar.

Şondan soň Müsüriň we BAE-niň dalaşgärligi hödürlendi we deslapky meýilnamada goldanyldy. Penşenbe güni bu karar tassyklandy.
BMG-niň klimat konferensiýasy Glazgoda 31-nji oktýabrdan bäri geçirilýär we 12-nji noýabrda tamamlanar. Onuň işine tas 200 döwletiň wekiliýetleri gatnaşýar.