R.Meredow türkiýeli kärdeşi bilen Türki geňeşiň sammitine taýýarlygy maslahatlaşdy

  • 10.11.2021 14:10
  • 3.9k+

Türkmenistanyň daşary işler ministri Raşid Meredow türkiýeli kärdeşi Mewlýut Çawuşoglu bilen geçiren telefon arkaly söhbetdeşliginde Türki geňeşiň 8-nji sammitine taýýarlyk meselelerini maslahatlaşdy. Sammiti 12-nji noýabrda Stambulda geçirmek meýilleşdirilýär. Bu barada ORIENT türk habar beriş serişdelerine salgylanyp habar berdi.

Türkmenistanyň sammite ilkinji gezek synçy derejesinde gatnaşar.
Türki geňeş (Türki dilli döwletleriň hyzmatdaşlyk geňeşi) 2009-njy ýylyň 3-nji oktýabrynda esaslandyryldy. Azerbaýjan, Gazagystan, Gyrgyzystan, Özbegistan we Türkiýe guramanyň agzalarydyr. Wengriýa Geňeşe synçy derejesinde gatnaşýar.
12-nji noýabrda Stambulda guramanyň Prezident Rejep Taýyp Ärdoganyň kabul etjek sammitinde Türki geňeşde başlyklyk Azerbaýjandan Türkiýä geçiriler. Mundan başga-da, sammitde guramanyň adyny Türki dilli döwletleriň guramasy diýip üýtgetmek meýilleşdirilýär.


düýn 22:35
1k+

Kiýewdäki kitaphanada Magtymgula we ukrain pelsepeçisi Grigoriý Skoworoda bagyşlanan sazly çäre geçirildi

26-njy noýabrda Kiýew şäheriniň Swýatoşinskiý etrap döwlet dolandyryş edarasynyň Medeniýet bölüminiň «Swiçado» merkezi kitaphana ulgamynyň Magtymguly adyndaky kitaphanasynda «Ruhy çyraglar: Skoworoda we Magtymguly» atly şygryýet we saz çäresi geçirildi...

düýn 22:27
914

Dohada hökümetara türkmen-katar toparynyň mejlisi geçirildi

26-27-nji noýabrda Katar döwletiniň Doha şäherinde Söwda-ykdysady hyzmatdaşlyk boýunça hökümetara türkmen-katar toparynyň 3-nji mejlisi geçirildi. Mejlise iki ýurduň birnäçe döwlet edaralarynyň we işewür toparlarynyň ýolbaşçylary hem-de wekilleri gatnaşdylar diýip, Türkmenistanyň DIM-niň saýtynda habar berilýär...

düýn 22:21
484

Raşid Meredow Şri-Lankanyň DIM-niň ýolbaşçysy bilen Aşgabatda geçiriljek forumy maslahatlaşdy

27-nji noýabrda Türkmenistanyň daşary işler ministri Raşid Meredow bilen Şri-Lankanyň daşary işler, daşary ýurtlarda iş üpjünçiligi we syýahatçylyk ministri Widjitha Heratyň arasynda telefon arkaly söhbetdeşlik geçirildi...

düýn 22:17
341

Türkmenistanyň DIM-nde Hindistanyň ilçisi bilen duşuşyk geçirildi

27-nji noýabrda Türkmenistanyň daşary işler ministriniň orunbasary Ahmet Gurbanow Hindistanyň ilçisi Bandaru Wilsonbabu bilen duşuşdy. Bu barada Türkmenistanyň DIM-nde habar berdiler. Duşuşygyň barşynda diplomatlar türkmen-hindi gatnaşyklarynyň däp bolan dostlukly häsiýetini, şeýle hem syýasy, söwda-ykdysady hem-de medeni-ynsanperwer ugurlarda hyzmatdaşlygyň netijeliligini nygtadylar...