«PSŽ-niň» hüjümçisi Lionel Messi “Altyn top” ýedinji gezek baýragyna mynasyp boldy diýip, Portugaliýanyň iň uly teleýaýlym we radio ýaýlymçylaryndan biri bolan RTP habar berýär. Muny sports.ru ýetirýär.
Çeşmäniň habaryna görä, ses berişligiň netijesinde futbolçynyň baýragyň eýesi bolandygy eýýäm mälim boldy we Messi eýýäm ýeňiji hökmünde “France Football” žurnalyna interwýu berdi.
Ýöne muňa garamazdan, russian.rt.com “France Futbol” žurnalynyň baş redaktory Paskal Ferreniň bu habary inkär edýändigini ýazýar.
“Ugursyz gürrüň. Beýle zady soňky 10 gün bäri göre-göre gelýäris. Baryp ýatan toslama”diýip, Actufoot Ferreniň sözlerini getirýär.
Ýatlap geçsek, Messi tomusda Argentinanyň milli ýygyndysynyň düzüminde Amerikanyň kubogyny aldy, geçen möwsüm bolsa ol 30 gol bilen Ispaniýanyň çempionatynda iň köp gol geçiren oýunçy boldy.
“Altyn top” baýrak gowşurylyş dabarasy 29-njy noýabrda Parižde geçiriler.
