NASA-nyň metbugat sekretary we "Artemis" Aý programmasynyň başlygy Maýk Sarafin Aýa ilkinji synag uçuşynyň 2022-nji ýylyň fewral aýynda boljakdygyny aýtdy. Bu barada ferra.ru habar berdi.
Bu - “Orion” kosmos gämisiniň we Space Launch System raketa-daşaýjysynyň pilotsyz synag uçuşy bolar. Missiýanyň, takmynan, alty hepde dowam etmegi mümkin. Bu döwürde gämi indiki aşaklama taýýarlyk görmek üçin retrograd orbitasynda bolar. Ýöne eger-de raketa gijiräk uçurylsa, missiýanyň dowamlylygy dört hepdä çenli gysgalyp biler.
Ýatlap geçsek, Amerikanyň Birleşen Ştatlary Aý programmasyny 2019-njy ýylda yglan edipdi. Onuň esasy maksady, adamy, şol sanda ilkinji zenany Aýa gondurmak bolup durýar. Adamy gondyrmak ulgamyny işläp taýýarlamak boýunça bäsleşige Ilon Maskyň “SpaceX”-i, Jeff Bezosyň “Blue Origin”-i we “Dynetics” gatnaşdy. Netijede, “SpaceX” saýlanypdy we “Blue Origin” muňa garşy çykypdy.