Türkmenistanyň biržasynda jemi bahasy 16 million dollara golaý geleşik hasaba alyndy

  • 18.10.2021 05:40
  • 5.4k+
Türkmenistanyň biržasynda jemi bahasy 16 million dollara golaý geleşik hasaba alyndy

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 9-sy hasaba alyndy. Olaryň jemi bahasy ABŞ-nyň 15 million 937 müň dollaryndan gowrak boldy.

Daşary ýurt puluna Beýik Britaniýanyň hem-de Birleşen Arap Emirlikleriniň telekeçileri Türkmenbaşydaky nebiti gaýtadan işleýän zawodlar toplumynda öndürilen az kükürtli ýangyç mazudyny satyn aldylar.

Bulardan başga-da, daşary ýurt puluna Beýik Britaniýanyň, BAE-niň, Türkiýäniň, Owganystanyň işewürlerine dürli kysymly awtoulaglar, float aýnasy, nah ýüplük hem-de bakja önümleri ýerlenildi. 

Birleşen Arap Emirlikleriniň işewür toparlarynyň wekilleri bahasy 1 million 800 müň manatlyk nah ýüplügi satyn aldylar.

Gurbanguly Berdimuhamedow uçardan Gazagystanyň gözelligini synlap, K.K.Tokaýewe hat iberdi
şu gün 13:18
2.6k+

Gurbanguly Berdimuhamedow uçardan Gazagystanyň gözelligini synlap, K.K.Tokaýewe hat iberdi

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Gazagystan Respublikasynyň çäkleriniň üstünden uçup barýarka, bu ýurduň tebigat gözelligini synlap, dostluk, doganlyk gatnaşyklaryny ýene bir gezek nygtamak bilen, Prezident Kasym-Žomart Tokaýewe hat ýollady...

Türkmenistan hytaý atşynaslaryny Türkmen bedewiniň baýramyna çagyrdy
şu gün 11:40
1.4k+

Türkmenistan hytaý atşynaslaryny Türkmen bedewiniň baýramyna çagyrdy

Hytaýyň «Equuleus» halkara atçylyk toplumynda ahalteke bedewleriniň ýerli muşdaklarynyň öňünde çykyş eden Halk Maslahatynyň Başlygy Gurbanguly Berdimuhamedow Türkmenistanda atçylygyň ösdürilişi barada gürrüň berdi we hytaý tarapyny halkara çärelere gatnaşmaga çagyrdy...

Gurbanguly Berdimuhamedow Hytaýda ahalteke bedewleriniň muşdaklary bilen duşuşdy
şu gün 11:17
1.2k+

Gurbanguly Berdimuhamedow Hytaýda ahalteke bedewleriniň muşdaklary bilen duşuşdy

Hytaýa saparynyň dowamynda Halk Maslahatynyň Başlygy Gurbanguly Berdimuhamedow Halkara ahalteke atçylyk assosiasiýasynyň agzalary we ahalteke bedewleriniň hytaýly muşdaklary bilen duşuşdy. Bu barada TDH habar berýär...

Gurbanguly Berdimuhamedow Hytaýda «Equuleus» atçylyk toplumyna baryp gördi
şu gün 10:58
1.7k+

Gurbanguly Berdimuhamedow Hytaýda «Equuleus» atçylyk toplumyna baryp gördi

19-njy martda Gurbanguly Berdimuhamedow Hytaýa amala aşyran dostluk saparynyň çäklerinde «Equuleus» halkara atçylyk toplumyna baryp gördi. Toplumyň girelgesinde ony Hytaý Atçylyk assosiasiýasynyň, ylmy jemgyýetçiligiň we atçylyk toplumynyň wekilleri garşylady...