14-nji sentýabrda “Apple” kompaniýasy uly tanyşdyryş dabarasynda täze “iPhone 13” bilen birlikde “Apple Watch Series 7” akylly sagatlaryny hem tanyşdyrypdy. Indi bolsa kompaniýa bu akylly sagatlaryň satuwa çykjak wagtyny mälim etdi. Bu barada Apple-iň resmi web sahypasyna salgylanyp, superplanshet.ru habar berdi.
“Apple”-iň wekilleri 15-nji oktýabrda “akylly” “Apple” sagatlarynyň 50 ýurtdaky dükanlara çykjakdygyny tassykladylar. Bu ýurtlaryň sanawynda ABŞ, Awstraliýa, Angliýa, Kanada, Hytaý, Fransiýa, Germaniýa, Hindistan, Ýaponiýa, Günorta Koreýa, Meksika we Russiýa hem bar. Öňünden sargytlar 8-nji oktýabrda kabul edilip başlanýar diýip, kompaniýanyň resmi web sahypasy belleýär. ABŞ-niň bazarynda bu gadjet 399 dollar başlangyç bahadan hödürlener.