Günorta Koreýa 2050-nji ýyla çenli plastik galyndylardan ýüz öwürmegi maksat edinýär

Günorta Koreýa 2050-nji ýyla çenli plastik galyndylardan ýüz öwürmegi maksat edinýär

Koreýa Respublikasy 2030-njy ýyla çenli taşlanýan plastik zibilleriniň möçberini 60%, 2050-nji ýyla çenli 100% azaldar. Bu barada ýurduň prezidenti Mun Çže In Kenarlary arassalamagyň halkara güni mynasybetli aýtdy diýip, TASS habar berýär.

“Plastik tebigatda 450 ýylda çüýreýär, mikroplastik bolsa diňe bir deňiz ýaşaýjylaryna däl, eýsem adam saglygyna hem howp salýar. Günorta Koreýa Dünýä ummanyny hapalaýan plastik galyndylar bilen bagly meseläni çözmek üçin halkara hyzmatdaşlygy güýçlendirer” – diýip, ýurduň prezidenti belledi.
“Koreýa Respublikasy 2030-njy ýyla çenli şeýle galyndylary 60% azaldar, asyryň ortalaryna çenli ony nol derejä getirer” – diýip, döwlet baştutany sözüniň üstüni ýetirdi.

Kenarlary arassalamagyň halkara güni sentýabr aýynyň üçünji şenbesinde geçirilýär, onuň maksady adamlary dünýäniň kenarlaryny arassalamaga ugrukdyrmakdyr. Günorta Koreýa bu kampaniýa 2001-nji ýyldan bäri gatnaşyp gelýär.