«Mersedesiň» britaniýaly sürüjisi Lýuis Hemilton “Formula-1” ulag klasyndaky awtoýaryşlar boýunça dünýä çempionatynyň 11-nji tapgyry bolan Wengriýanyň Gran-prisiniň saýlama tapgyrynda ýeňiji boldy. Ýaryş “Hungaroring” awtodromynda geçirilýär.
Hemilton özüniň iň gowy aýlawyny 1 minut 15,419 sekuntda geçdi. Ikinji netijäni hem “Mersedesiň” sürüjisi finlýandiýaly Waltteri Bottas (+0,315) görkezdi. Üçünji “Red Bulldan” niderlandiýaly Maks Ferstappen boldy (+0,421).
Ýaryş ýekşenbe güni aşgabat wagty boýunça 18:00-da başlanar.