Amerikanyň Kubogy: Argentina finala çykdy. Ol Braziliýa bilen duşuşar

  • 07.07.2021 12:05
  • 6.7k+

Argentinanyň milli ýygyndysy Amerikanyň Kubogy - 2021-iň finalyna çykdy. Finalda olar ýer eýeleri Braziliýa bilen duşuşar.

Ýarym finalda argentinalylar Kolumbiýadan üstün çykdylar. Duşuşygyň esasy wagty deňme-deňlikde tamamlandy — 1:1, 11 metrlik urgularda argentinalylar ýeňiş gazandy - 3:2.
Oýnuň esasy wagtynda Lautaro Martines 7-nji minutda Lionel Messiniň pasy bilen hasaby açdy. 61-nji minutda Luis Dias hasaby deňledi.
Argentinaly derwezeban Emiliano Martines 11 metrlik urgularyň üçüsini aýyrdy. Kolumbiýalylardan Dawinson Sançesiň, Ýerri Minanyň we Edwin Kardonanyň synanyşyklary şowsuz boldy, argentinalylardan Rodrigo De Paul gol geçirip bilmedi.
Şeýlelikde, Amerikanyň Kubogynyň finalynda tomaşaçylar taryhy gapma-garşylykly oýna tomaşa ederler — Argentina ýarym finalda Peruny ýeňen Braziliýa bilen oýnar - 1:0. Duşuşyk 11-nji iýulda ir sagat 05:00-da (aşg. wagt) başlar. Kolumbiýa 3-nji ýer ugrundaky oýunda Peru bilen oýnar, duşuşyk 10-njy iýulda sagat 05:00-da (aşg. wagt) başlar.


14.06.2025 13:22
7.6k+

“Real” “Riwer Pleýtiň” 17 ýaşly oýunçysy Mastantuono üçin €63,2 mln töledi

Madridiň “Realy” Argentinanyň “Riwer Pleýt” klubunyň 17 ýaşly wingeri Franko Mastantuononyň transferi üçin 63,2 mln ýewro töledi. Bu transfer Argentina futbolynyň taryhynda iň ulusy boldy diýip, “Riwer Pleýt” toparynyň metbugat gullugy belledi...

11.06.2025 14:58
12k+

Braziliýa Dünýä çempionatlarynyň saýlama tapgyrlarynyň ählisinden geçmegi başaran ýeke-täk ýygyndy bolmagynda galýar

Braziliýanyň milli ýygyndysy Paragwaýy 1:0 hasabynda ýeňip, resmi taýdan 2026-njy ýylda geçiriljek futbol boýunça Dünýä çempionatyna gatnaşmaga hukuk gazandy. Şeýlelikde, Braziliýa ähli dünýä çempionatlarynyň saýlama tapgyryndan geçmegi başaran taryhda ýeke-täk milli ýygyndy bolmagynda galýar...

10.06.2025 15:27
8.2k+

Ançelotti milli ýygyndylaryň arasynda iň köp zähmet hakyny alýan tälimçi boldy

Karlo Ançelotti Madridiň “Realyndaky” tälimçi ygtyýarlyklaryny Habi Alonso berenden soň, tiz wagtdan Braziliýanyň milli ýygyndysyna ýolbaşçy boldy. Taraplaryň arasyndaky gepleşikler bir ýyldan köp dowam etdi. KHBS-iň maglumatlaryna görä, Ançelotti Braziliýa toparynyň başyna geçenden soň, ähli milli ýygyndylaryň arasynda iň köp zähmet hakyny alýan tälimçi boldy...

13.05.2025 11:41
8.8k+

Karlo Ançelotti resmi taýdan Braziliýanyň milli ýygyndysynyň baş tälimçisi bellendi

Karlo Ançelotti resmi taýdan Braziliýanyň milli futbol ýygyndysynyň baş tälimçisi bellendi. Italiýaly hünärmen topary 2026-njy ýylyň dünýä çempionatyna taýýarlar diýip, Braziliýanyň futbol konfederasiýasynyň metbugat gullugy habar berdi...