Britan milliarderi Riçard Brenson 11-nji iýulda — dünýäniň iň baý adamlarynyň biri, Amazonyň esaslandyryjysy Jeff Bezosdan 9 gün öň kosmosa uçmagy meýilleşdirýär. Bu barada НСН-da berlen maglumata salgylanyp, mir24.tv habar berýär.
«Uçuşa we täze kosmiki eýýamyň başlanmagyna goşulyň! Hasaplama başlaýar» diýip, Brensonyň Virgin Galactic kompaniýasynyň Twitter sahypasyndaky habarda ýazyldy. Twitde wideo hem goýlup, onda Unity suborbital gämisiniň ekipažyndaky 6 adamyň ählisi görkezilýär we olaryň arasynda Brensonyň özi-de bar.
Ozal içinde Jeff Bezos boljak New Shepard suborbital gämisiniň 20-nji iýulda kosmosa uçjakdygy mälim edildi. Bezos hem ýeke uçmaz, onuň ýanynda 1961-nji ýylyň «Zenan kosmosda» maksatnamasynyň iň ýaş uçurymy — 82 ýaşly Uolli Fank bolar. Şol wagt NATO taslamanyň astronawtlarynyň tabşyran fiziologik we psihologik synaglaryndan üstünlikli geçen 13 sany zenany saýlap alypdy, ýöne näme üçindir Uolli Fank kosmosa uçup bilmedi. Indi Bezos oňa bir wagtky arzuwyny amala aşyrmaga kömek eder.
