Werstappen Fransiýa Gran Prisinde ýeňiji boldy

Werstappen Fransiýa Gran Prisinde ýeňiji boldy

"Red Bull"-yň sürüjisi Maks Werstappen "Formula-1" çempionatynyň 7-nji tapgyrynda - Fransiýa Gran Pri-sinde ýeňiji boldy. Bu barada Sputnik gullugy habar berdi.

Oňa "Mersedes"-iň iňlis sürüjisi Lýuis Hemiltondan öňe geçmek diňe iň soňky aýlawda başartdy. Netijede, Hemilton ikinji we “Red Bull”-yň ýene bir sürüjisi bolan meksikaly Serjio Perez üçünji orny eýeledi.
Maksyň ýaryşa poul zolagyndan başlandygyny bellemek gerek. Şeýle-de bolsa, ol birinji aýlawda ýalňyşlyk goýberdi we Hemiltony öňe geçirdi. Ýöne eýýäm birinji pit-stopdan soň Werstappen häzirki çempiondan ýene öňe geçmegi başardy.
Bu üstünlik umumy sanawda Maksyň öňdebaryjylygyny güýçlendirdi: Werstappen 131 utuk bilen öňdeligini dowam edýär, Hemilton (119) - ikinji, Perez (84) bolsa üçünji orunda ýerleşýär. Şeýle hem ilkinji 5-lige Lando Norris (76) we Waltteri Bottas (59) girýär.
Ýaryşyň indiki tapgyrynyň 25-27-nji iýunda Awstriýada geçirilmegine garaşylýar.