ÝUNESKO-nyň Bütindünýä mirasy komitetiniň sessiýasy iýulda Hytaýda onlaýn görnüşde geçiriler

ÝUNESKO-nyň Bütindünýä mirasy komitetiniň sessiýasy iýulda Hytaýda onlaýn görnüşde geçiriler

ÝUNESKO-nyň Bütindünýä mirasy komitetiniň 44-nji sessiýasy 16-njy iýuldan 31-nji iýul aralygynda Hytaýyň Fuçžou şäher okrugynda onlaýn görnüşde geçiriler. Bu barada BMG-niň Bilim, ylym we medeniýet meseleleri boýunça guramasynyň (ÝUNESKO) Pariždäki ştab kwartirasy habar berdi. Muny TASS ýetirýär.

Onuň maglumatlaryna görä, sessiýa “häzirki iş bilen COVID-19 pandemiýasy bilen baglylykda, şeýle ýyllyk maslahatyň soňa goýlandygy sebäpli, geçen ýyldan bäri çözülmän galan meseleleri birleşdirer”. Giňişleýin mejlise Hytaýyň bilim ministriniň orunbasary we Hytaýyň ÝUNESKO işleri boýunça milli komissiýasynyň müdiri Týan Sýueszýun ýolbaşçylyk eder.
ÝUNESKO-nyň baş direktory Odre Azule 16-njy iýulda sessiýanyň açylyşyna gatnaşar, sessiýanyň dowamynda komitet, hususan-da, Bütindünýä mirasynyň sanawyna eýýäm girizilen 255 obýekti gorap saklamagyň ýagdaýyny öwrener. Olaryň 53-si howp astynda bolan Bütindünýä mirasynyň sanawynda hem görkezilýär.
Sessiýadan öň, 22-nji iýunda ÝUNESKO-nyň Bütindünýä mirasy merkeziniň müdiri Mehtild Rýossler tarapyndan informasion onlaýn mejlisi geçiriler. 18-nji iýulda Týan Sýueszýun we Mehtild Rýossler onlaýn görnüşde görkeziljek metbugat konferensiýasyny geçirer.
24-nji iýuldan sessiýanyň dowamynda ÝUNESKO-nyň Bütindünýä mirasy komiteti geçen ýyl seredilip bilinmedik tekliplerden başlap, Bütindünýä mirasynyň sanawyna girizmek üçin täze dalaşgärleri gözden geçirmäge girişer.
2021-nji ýylda Russiýa ÝUNESKO-nyň sanawyna Onega kölüniň we Ak deňziň petroglifleriniň girizilmegi üçin ýüz tutdy. Fransiýa 2021-nji ýylda Nissa şäherini Riwýera sebitiniň syýahatçylyk paýtagty hökmünde sanawa girizmegi, 2020-nji ýylda ýurduň günorta-günbataryndaky Žironda derýasynyň aýagynda ýerleşen Korduan maýagyny sanawa goşmagy teklip etdi.