Garyşyk stiliň (MMA) nigeriýaly söweşijisi Israel Adesanýa italiýaly Marwin Wettoriden üstün çykyp, orta agramda (83,9 kg çenli) Absolýut söweş çempionatynyň (UFC) çempiony titulyny gorady. UFC 263 turniri Glendeýl şäherinde (Arizona ştaty, ABŞ) geçirildi. Bu barada TASS habar berýär.
Agşamyň esasy wakasy bolan söweş emin agzalarynyň biragyzdan ses bermegi netijesinde 31 ýaşly nigeriýaly söweşijiniň ýeňmegi bilen tamamlandy.
Adesanýa 2019-njy ýylyň oktýabr aýyndan bäri eýeçilik edýän çempion guşagyny üçünji gezek gorady. Ol MMA-da 21 ýeňiş gazandy (15-si nokaut bilen) we bir gezek ýeňildi.
Wettori 27 ýaşynda bolup, professional derejede bäşinji ýeňlişe sezewar boldy, onuň hasabynda 17 ýeňiş bar. Bir söweş hem deňme-deňlikde tamamlandy.