Bütindünýä saglygy goraýyş guramasynyň Baş direktory Tedros Adhanom Gebreýesus koronawirusa garşy sanjym aldy. Bu barada ol çarşenbe güni agşam özüniň Twitterinde habar berdi we ýurtda sanjym bar bolsa, hemmeleri COVID-19-a garşy sanjym etdirmäge çagyrdy diýip, TASS belleýär.
“Şu gün Ženewanyň uniwersitet hassahanasynda COVID-19-a garşy sanjym almak meniň nobatymdy” – diýip, Gebreýesus belledi. Şeýle-de, ol “sanjymlaryň adam ömrüni halas edýändigini we ähli ýurtlarda olaryň bolmagynyň möhümdigini” ýatlatdy.
“Eger siz hem meniň ýaly sanjym bar bolan döwletde ýaşaýan bolsaňyz, haýyş, nobatyňyz gelende sanjym etdiriň” – diýip, BSGG-niň ýolbaşçysy maslahat berdi.
