Samsung kompaniýasy köne smartfonlary IoT gurluşlaryna öwrer

  • 25.04.2021 11:11
  • 6.6k+

Samsung kompaniýasy Galaxy Upcycling başlangyjynyň çäginde köne smartfonlary zatlaryň internetiniň (IoT) öý gurluşlary hökmünde ulanmagyň täze usulyny teklip etdi diýip, mn.ru habar berýär.

Galaxy Upcycling programmasy Galaxy hatarynyň könelişen telefonlaryny öýde ulanmak üçin gurluşlara öwürmäge mümkinçilik berýär. Programma üpjünçiligini täzelemek gajetiň ses datçigi ýa-da ýagtylyk datçigi bolup bilmegi üçin, zarýad bermezden smartfonuň ömrüni uzaltmaga kömek edýär.
Täze programma üpjünçiligi telefonlara sesleri has takyk tanamaga we ýagtylyga täsirlenmäge mümkinçilik berer. Eger gurluş çaganyň aglaýan ýa-da gapynyň kakylýan sesini «eşitse», ulanyja habar we ses ýazgysy geler. Şeýle-de, smartfon otagyň yşyklandyryş derejesine gözegçilik edip, çyrany ýa-da telewizory awtomatiki ýakyp biler. Geljekde oňa Samsung SmartThings firma ekoulgamyndaky islendik elektronikany dolandyrmak «öwrediler».
Programmany synagdan geçirmek işi ABŞ-da, Beýik Britaniýada we Günorta Koreýada başlar. Oňa 2018-nji ýyldan soň çykarylan we Android 9-dan pes bolmadyk operasion ulgamynda işleýän S, Note we Z hatar telefonlarynyň eýeleri gatnaşyp biler.
Belläp geçsek, Galaxy Upcycling başlangyjy köne elektronika galyndylarynyň mukdaryny azaltmaga gönükdirilýär.

düýn 21:14
767

Apple 14 ýylda ilkinji gezek smartfon üpjünçiligi boýunça Samsung-dan öňe geçer

Apple şu ýyl 2011-nji ýyldan bäri ilkinji gezek ýyllyk smartfon üpjünçiligi boýunça Samsung-dan öňe geçip biler. Bu barada Counterpoint Research kompaniýasynyň çaklamasyna salgylanyp, CNBC habar berýär. Analitikler şeýle ösüşi iPhone 17 hatarynyň üstünlikli bolmagy we pandemiýadan soň smartfonlaryň işjeň ýagdaýda täzelenmegi bilen baglanyşdyrýar...

28.11.2025 11:00
1.6k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:29
2.3k+

LG Electronics ýolbaşçy düzüminiň üýtgeşmelerini yglan etdi

Günorta Koreýanyň LG Electronics kompaniýasy ýolbaşçy düzüminde uly üýtgeşmeleriň bolandygyny, şol sanda täze baş direktoryň bellenendigini mälim etdi. 1-nji dekabrdan başlap, bu wezipäni häzirki wagtda LG-niň Öý Tehnikasy we Çözgütleri bölümine ýolbaşçylyk edýän hem-de kompaniýanyň maglumatyna görä, amallaryň durnukly ösüşine ýeten Rýu Çže-çhol eýelär...

27.11.2025 23:20
5.6k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...