«Counterpoint Technology Market Research-iň» analitikleri şu ýylyň başynda dünýädäki satuwlaryň esasynda öňe saýlanan iň meşhur on smartfon hakynda belläp geçdiler. Bu barada msn.com habar berdi.
Bellemeli zat, ilkinji onluga Amerikanyň Apple korporasiýasynyň birbada alty sany «iPhone» modeli girdi. Netijede, 2021-nji ýylyň ýanwar aýynda dünýäde iň köp satylan smartfon «iPhone 12» boldy. Ondan soň «iPhone 12 Pro Max», üçünji ýerde bolsa «iPhone 12 Pro» orun aldy. Bu modeller dünýädäki satuwlaryň 15%-ini emele getirdiler.
Iň meşhur «Android» smartfony Redmi 9A bolup, ol reýtingde bäşinji setirden orun ady. Iň köp satylan enjamlaryň ilkinji onlugynyň ahyrky setirinde geçen ýyl çykan «iPhone SE» ýerleşdi.
Hünärmenler bu ýyl 5G smartfonlaryna bolan islegiň hatda 5G ulgamynyň işlemeýän ýurtlarynda-da artjakdygyna ynanýarlar.
