Nokia aprel aýynda täze smartfonlaryny hödürlär

Nokia aprel aýynda täze smartfonlaryny hödürlär

Nokia 8-nji aprelde täze smartfonlarynyň tanyşdyrylyş dabarasyny geçirer diýip, ixbt.com habar berýär. 

Bu çärede haýsy smartfonlaryň hödürlenjekdigi heniz belli däl. Ýöne brendiň ilkinji oýun smartfony – Nokia G10 anons ediler diýlip çaklanylýar. Bu enjamyň täzelenme ýygylygy 120 Gs bolan 6,4 dýuýmlyk PureDisplay ekrana, 8 ýadroly Snapdragon 775G prosessoryna, 48 Mp datçikli kwadro-kamera we 5000 mA/sag akkumulýatora eýe bolmagyna garaşylýar.
Mundan başga-da, çärede azyndan iki sany Nokia smartfony görkezilip bilner: Nokia X10 we Nokia X20. Nokia X20 6 GB operatiw ýat we 128 GB hemişelik ýat bilen Qualcomm Snapdragon 480 5G prosessoryna esaslanar diýlip çaklanylýar.
Nokia X10 bolsa 6 GB operatiw ýat we 32 GB hemişelik ýat bilen ýaşyl hem-de ak reňklerde elýeterli bolar. Nokia X20 we Nokia X10 5G ulgamyny göterer.