Ýewropa ligasynyň 1/8 finalynyň merkezi duşuşygynyň ilkinji oýnunda «Mançester Ýunaýted» «Milan» bilen deňme-deň oýnady — 1:1. Duşuşygyň 50-nji minudynda ilkinji pökgini iňlis klubunyň oýunçysy Amad Diallo geçirdi. Duşuşyga goşmaça goşulan ikinji minutda bolsa «Milanyň» goragçysy Simon Kýer hasaby deňledi.
Ugurdaş oýunda başga bir iňlis kluby «Arsenal» Gresiýanyň «Olimpiakosyny» 3:1 hasabynda ýeňdi. Iňlis klubundan Martin Edegor (34), Gabriel (79) we Mohammed el-Nenni (85), grek klubundan bolsa Ýussef El-Arabi (58) tapawutlanmagy başardy.
Ýaryşyň beýleki oýunlarynda «Aýaks» (Niderlandlar) öz meýdançasynda uly hasap bilen şweýsariýaly «Ýang Boýzy» (3:0), ispan «Granadasy» norwegiýaly «Moldeni» (2:0), iňlis «Tottenhemi» zagreb «Dinamosyny» (2:0), italýan «Romasy» bolsa ukrain «Şahtýoryny» (3:0) ýeňdi. Kiýewiň «Dinamosy» öz meýdançasynda Unai Emeriniň «Willarrealyndan» utuldy (0:2). Çeh «Slawiýasy» we şotlandiýaly «Reýnjers» deňme-deň oýnadylar (1:1).
Toparlaryň arasyndaky jogap oýunlary 18-nji we 19-njy martda geçiriler.
