Türkmenistanda «Ýylyň zenany» bäsleşiginiň ýeňijileri yglan edildi

  • 03.03.2021 19:46
  • 25k+

2-nji martda paýtagtymyzdaky Türkmenistanyň Jemgyýetçilik guramalarynyň merkezinde Halkara zenanlar güni mynasybetli Türkmenistanyň Zenanlar birleşiginiň Merkezi Geňeşi tarapyndan yglan edilen «Ýylyň zenany» atly bäsleşigiň jemleýji tapgyry geçirildi. Bäsleşige Aşgabat şäherinde we ýurdumyzyň welaýatlarynda geçirilen deslapky tapgyrlarda ýeňiji bolup, döwlet derejesinde geçiriljek jemleýji tapgyra gatnaşmaga hukuk gazanan dürli kärdäki zenanlaryň 42-si gatnaşdy.

Bäsleşik ýedi ugur boýunça geçirildi. Netijeler şulardan ybarat:
«Berkarar döwletimiziň bagtyýarlyk döwründe alyp barýan ýokary guramaçylyk ukyby üçin» diýen ugur boýunça gatnaşyp, Lebap welaýatynyň Dänew etrabynyň 23-nji «Dostluk» çagalar bakja-bagynyň usulçy-terbiýeçisi Gülaýym Myhmanowa «Ýylyň işewür zenany»;
«Berkarar döwletimizde el hünärini dikeldýänligi we kämilleşdirýänligi üçin» diýen ugur boýunça Aşgabat şäheriniň 45-nji orta mekdebiniň gurnak mugallymy Mährijemal Bereketowa «Ýylyň çeper elli zenany»;
«Türkmeniň gadymy ruhy gymmatlyklarymyzy we milli medeni mirasymyzy dünýä ýaýmakdaky asylly işleri üçin» diýen ugur boýunça Daşoguz welaýatynyň Görogly etrabynyň Durdy Gylyç adyndaky geňeşligindäki II Diregli oba medeniýet öýüniň saz ýolbaşçysy Merjen Manadowa «Ýylyň sungatda işjeň zenany»;

«Çaga terbiýelemekde görkezen yhlasy üçin» diýen ugur boýunça Ahal welaýatynyň Gökdepe etrap köpugurly hassahanasynyň Yzgant oba saglyk merkeziniň maşgala şepagat uýasy Aýsoltan Merdangeldiýewa «Ýylyň mährem zenany»;
«Berkarar döwletimizde harby we hukuk goraýjylar ulgamynda görkezen işjeňligi üçin» diýen ugur boýunça Türkmenistanyň Goranmak ministrliginiň Berdimuhamet Annaýew adyndaky 1-nji ýöriteleşdirilen harby mekdebiniň psihology Nabat Nurgeldiýewa «Ýylyň watançy zenany»;
«Obany ösdürmekde bitiren hyzmatlary üçin» diýen ugur boýunça Balkan welaýatynyň Bereket etrap hassahanasynyň reanimasiýa bölüminiň kiçi saglygy goraýyş işgäri Merjen Gurbantaganowa «Ýylyň öňdebaryjy oba zenany»;
«Ýurdumyzyň bazar ykdysadyýetiniň we telekeçiligiň ösmegine goşan goşandy üçin» diýen ugur boýunça Mary welaýatynyň Mary etrabyndan telekeçi, Türkmenistanyň Zenanlar birleşiginiň Mary welaýat bölüminiň ýanyndaky Işewür zenanlaryň merkeziniň başlygy Aýhan Rejepowa «Ýylyň telekeçi zenany».

«Ýylyň zenany» bäsleşigiň jemleýji tapgyrynda ýeňiji bolmagy başaran zenanlara Türkmenistanyň Zenanlar birleşiginiň Merkezi Geňeşi tarapyndan Hormat hatlary hem-de gymmat bahaly sowgatlar dabaraly ýagdaýda gowşuryldy.

şu gün 15:52
2.1k+

ABŞ-da gulçylygy ýatyrmak baradaky resminama 13,7 mln dollara satyldy: ony milliarder Kennet Griffin satyn aldy

Milliarder Kennet S. Griffin Sotheby’s auksionynda ABŞ-nyň Konstitusiýasyna girizilen 13-nji düzedişiň Awraam Linkoln tarapyndan gol çekilen golýazmasyny satyn aldy. Gul eýeçiligini ýatyran resminama 12 mln dollara satyldy, auksionyň komissiýalary hem goşulanda, geleşigiň umumy mukdary 13,7 mln dollar boldy...

şu gün 15:06
388

Apple Watch Ultra 3 hemra aragatnaşygy we 5G goldawy bilen çykar

Apple kompaniýasy Watch Ultra 3 smart-sagadyny 2025-nji ýylyň güýzünde çykarmaga taýynlyk görýär. Bloomberg agentliginiň žurnalisti Mark Gurmanyň habaryna görä, täze model hemra aragatnaşygyny we 5G torlaryny goldar...

şu gün 14:52
498

iOS 26-da ulanyjy uka giden wagty nauşnikler awtomatik ýagdaýda öçer

iOS 26 operasion ulgamynda eger-de ulanyjy aýdym ýa-da islendik bir mazmun diňleýän wagty uklap galsa, AirPods we Beats nauşniklerini awtomatiki usulda öçürýän funksiýa peýda bolar. Bu mümkinçilik ýatmazdan öň aýdym, audiokitap ýa-da podkast diňleýänler üçin peýdalydyr...

şu gün 14:47
292

Opera brauzeri 40 dilden üznüksiz terjimä we beýleki gowulaşmalara eýe boldy

Opera web brauzeriniň iň soňky - 120 wersiýasy çykdy we beta synag tapgyryny tamamlady. Täze wersiýa Chromium kodunyň 135 wersiýasyna esaslanýar. Esasy täzelik, rus dilini goşmak bilen, 40-dan gowrak dili goldaýan içerki terjime funksiýasydyr...