Microsoft kompaniýasy Office-iň iki resmi wersiýasyny - sarp edijiler üçin Office 2021-i we işewürlik üçin Office LTSC-ni resmi taýdan tanyşdyrdy. Bu barada news.rambler.ru habar berdi.
Täze programma üpjünçiligi şu ýylyň ahyrynda Windows we macOS üçin elýeterli bolar. Täzelikleriň möhüm aýratynlygy - olary abuna ýazylmazdan ulanyp bolýandygynda diýip, çeşme belleýär.
Kompaniýa Office 2021-iň aýratynlyklaryny we üýtgeşmelerini doly açyp görkezmedi, ýöne Office LTSC-iň garaňky režim, dinamiki massiwler we beýleki täzelikler üçin goldaw aljakdygy mälimdir. Şeýle bolansoň, ulanyjy interfeýsinde çynlakaý üýtgeşmelere garaşylmasa hem bolar.
Office LTSC indi ýedi däl-de, diňe bäş ýyl ulanylar. Office Professional Plus we Office Standard üçin işewürlik bahalary 10% ýokarlanar. Office 2021-iň sarp ediji wersiýasynyň bahasy öňküligine galar.
