Şu ýyl 28-nji dekabrda täjirçilik kinematografiýasyna 125 ýyl dolýar: 1895-nji ýylyň 28-nji dekabrynda Pariždäki Kapusinok bulwarynyň “Grand-kafesinde” ilkinji kinematografiýa seansy geçirilýär. On filmden ybarat bolan kino görkeziliş meýilnamasyna doganlar Lýumer tarapyndan düşürilen “Suwarylan suwaryjy” atly ilkinji sahnalaşdyrylan film girizildi.
Taryhda ilkinji kino görkeziliş 1895-nji ýylyň 22-nji martynda geçirildi. Şol gün doganlar Lýumer dostlaryna “Lýumer zawodyndan işçileriň çykyşy” atly gysga filmi görkezýärler. Ýöne hut 1895-nji ýylyň 28-nji dekabrynda Kapusinok bulwaryndaky kafede pul üçin birnäçe gysga metražly lenta giň köpçülige hödürlenilýär.
Kinobusiness.com portalynyň habar bermegine görä, film öndürmekde hindi Bolliwudy rekord eýesi bolup durýar. Ol ýylda 1000-e çenli lenta çykarýar. Iň gadymy lenta – “Raundheý bagyndaky sahnalar”. 1888-nji ýylyň 14-nji oktýabrynda bu 2 sekuntlyk rolik tomaşaçylara görkezilýär.
1903-nji ýylda “Uly otly talaňçylygy” lentasy ekrana çykýar. Hut şu filmde ilkinji ýörite öwüşginler ulanylýar. 1927-nji ýylyň 6-njy oktýabrynda “Jaz aýdymçysy” atly ilkinji sesli film çykýar. 1936-njy ýylda Germaniýada ilkinji gara-ak 3D filmleri çykarylýar.