France Football taryhda iň gowy futbol eminini saýlady

France Football taryhda iň gowy futbol eminini saýlady

Italiýaly emin Pýerluiji Kollina France Football žurnaly tarapyndan taryhda iň gowy futbol emini diýlip yglan edildi. Bu barada “Gazzetta dello Sport”-a salgylanyp, Sputnik gullugy habar berýär.

"Eminler barada aýdylanda, kellä ilkinji gelýän at - ol. 1977-nji ýylda işe başlap, 2005-nji ýylda işden gidýänçä Kollina futbolyň taryhyny ýazdy" diýip, France Football ýazýar.

Baýraga dalaşgärleriň hatarynda iňlis Ken Aston we fransuz Mişel Worot hem bardy. Olar, degişlilikde, ikinji we üçünji orny eýelediler.
Kollina 2020-nji ýyldaky Dünýä çempionatynyň, 1998/99 möwsümiň Çempionlar ligasynyň we 2003/04 möwsüminde UEFA kubogynyň finallarynda eminlik etdi. 1998-2003-nji ýyllar aralygynda Halkara Futbol Taryhy we Statistika federasiýasy (IFFHS) tarapyndan dünýäniň iň gowy emini diýlip ykrar edildi.
60 ýaşly Kollina häzirki wagtda FIFA-nyň eminler komitetine ýolbaşçylyk edýär.
Öň Tmcars.info France Football žurnalynyň bütin futbol taryhyndaky iň gowy oýunçylarynyň ýygyndysyny yglan edendigini habar beripdi.