Türkmenistanyň Prezidenti Türkiýede bolup geçen ýertitremäniň pidalaryna gynanç bildirdi

  • 01.11.2020 17:30
  • 14k+
Türkmenistanyň Prezidenti Türkiýede bolup geçen ýertitremäniň pidalaryna gynanç bildirdi

Türkmenistanyň Prezidenti Gurbanguly Berdimuhamedow Türkiýe Respublikasynyň Prezidenti Rejep Taýyp Ärdogana Izmir welaýatynda bolup geçen adam pidalaryna we şikes ýetmelerine hem-de uly möçberli weýrançylyklara getiren ýertitreme zerarly gynanç hatyny iberdi.

Döwlet Baştutanymyz şu agyr pursatda Türkmenistanyň halkynyň we Hökümetiniň adyndan, şeýle hem hut öz adyndan gurban bolanlaryň maşgalalaryna, dogan-garyndaşlaryna hem-de ýakynlaryna çuňňur gynanjyny we medet beriji sözlerini beýan etdi, ejir çekenlere bolsa tiz wagtda sagalmaklaryny arzuw etdi.
Öň habar berşimiz ýaly, Türkiýäniň günbatar kenarynda 6,6 bal ululykda güýçli ýer titremesi boldy. Ýer titremesiniň ululygyny 7,0 bal diýip çaklaýan ABŞ-nyň Geologik gullugynyň (USGS) maglumatlary boýunça, ýer sarsgynynyn merkezi ojagy Egeý deňzinde 10 km çuňlukda ýerleşýär. Şeýle tebigy hadysa Gresiýada hem hasaba alyndy, ýerli seýsmologlar onuň ululygyny 6,9 bal diýip çakladylar.

7-nji gatyň penjiresinden gaçan çagany halas eden özbek ýigidi «Edermenlik» medaly bilen sylaglandy
şu gün 23:06
749

7-nji gatyň penjiresinden gaçan çagany halas eden özbek ýigidi «Edermenlik» medaly bilen sylaglandy

Özbegistanyň prezidenti Şawkat Mirziýoýew Sankt-Peterburgda penjireden aşak gaçan çagany halas eden ildeşi Haýrullo Ibadullaýewi «Jasorat» («Edermenlik») medaly bilen sylaglady. Bu barada döwlet baştutanynyň metbugat sekretary Şerzod Asadow habar berdi...

Osaka şäherinde näbelli bir adam suw üpjünçiligini oňartmak üçin 21 kg altyny haýyr-sahawatyna berdi
şu gün 19:37
5.9k+

Osaka şäherinde näbelli bir adam suw üpjünçiligini oňartmak üçin 21 kg altyny haýyr-sahawatyna berdi

Ýaponiýanyň Osaka şäherinde adynyň aýdylmagyny islemedik sahawatly bir adam şäheriň suw üpjünçilik ulgamyny täzeletmek üçin 21 kilogram altyn böleklerini peşgeş berdi. Osakanyň häkimi Hideýuki Ýokoýamanyň gürrüň bermegine görä, altynlar şäheriň suw üpjünçilik müdiriýetine tabşyryldy we olaryň satuwyndan geljek serişdeleri könelen suw turbalaryny bejermek üçin ulanmak meýilleşdirilýär...

Bali adasynda howanyň iň howply derejesi yglan edildi
şu gün 14:47
4.8k+

Bali adasynda howanyň iň howply derejesi yglan edildi

Indoneziýanyň Bali adasynda güýçli ýagyn sebäpli howanyň iň ýokary — «gyzyl» howp derejesi yglan edildi. Ýagyş eýýäm suw joşgunlaryna we süýşgünlere sebäp boldy diýip, Jakarta Globe neşiri Bali prowinsiýasynyň Meteorologiýa, klimatologiýa we geofizika agentligine salgylanyp habar berýär...

Futbolçy meýdançada top degen çarlagyň ýüregini owkalap, onuň janyny halas etdi
şu gün 10:49
8.6k+

Futbolçy meýdançada top degen çarlagyň ýüregini owkalap, onuň janyny halas etdi

Geçen ýekşenbe güni Stambulyň stadionynda çempionlyk titulyndan hem ähmiýetli bir waka ýüze çykdy. Birinji höwesjeňler ligasynyň finalynda «Istanbul Ýurdum Spor» we «Mewlanakapy Güzelhisar» futbol toparlarynyň arasyndaky duşuşykda uçup barýarka top degen çarlak halas edildi...