Hepdäniň ähli günleriniň içinde anna güni adamlaryň akyl saglygy üçin iň howply gündür. Moskwa döwlet uniwersitetiniň psihologiýa fakultetiniň Zähmet psihologiýasy barlaghanasynyň uly ylmy işgäri Irina Blinnikowa şeýle pikir edýär diýip, Info24 habar berýär.
Hünärmeniň pikiriçe, iş hepdesiniň ahyrynda dynç alyşyň ýakyndygyna göz ýetirýän işçi “bar güýjüni tijäp”, işini dynmagyň aladasyna berilýär. Muňa “Soňky güýjeme” diýilýär, şol wagt has köp güýç sarp edilýär. Şonuň üçin-de penşenbe we anna günleriniň ahyry işleýän adamlar üçin iň agyr döwürdir.
Şol wagt “Hepdäniň dowamynda üýşüp giden ýadawlyk özüniň bardygyny duýdurýar" – diýip, Blinnikowa nygtaýar.
Onuň sözlerine görä, iş gününiň ahyrynda gutarylman galan iş adamyň psihikasy üçin aýratyn howp bolup durýar. Baslygyp ýatan işler görünmeýän ýük bolup ezýär, dynç alyş wagtynda ýakymsyz ünjüleri döredip,özüňi dürsemäge maý bermeýär.
Psiholog bu ýerde hiç hili geň zat ýok diýip hasaplaýar, sebäbi anna güni — iş hepdesiniň soňky güni, hepdäniň dowamynda ýygnanan ýadawlyk hökman öz täsirini ýetirer. Şonuň üçin işleri dürli günlere deň paýlamak we wagty has anyk meýilleşdirmek arkaly iş ýüküni ýeňilleşdirmek maslahat berilýär.
Ylmy işgäriň bu pikirleri bilen ylalaşman bilersiňiz, çünki dünýäniň ähli ýerinde anna güni – hepdäniň jemleýji iş güni däldir. Aziýa-Afrika ýurtlarynyň birnäçesinde hepdäniň iş günleri başgaça tertipde ýöredilýär.
