Birnäçe şowsuz synanyşykdan soň, SpaceX kompaniýasy ýekşenbe güni Starlink hemralarynyň 14-nji tapgyryny Ýeriň orbitasyna üstünlikli uçurdy. Bu barada 21mm.ru habar berýär. Bortunda 60 sany orbital aragatnaşyk hemralary bolan Falcon 9 raketasy Floridanyň Kanaweral burnundaky kosmodromdan uçuryldy. Şondan soň SpaceX raketanyň birinji basgançagynyň Atlantik ummanyndaky ýüzýän platforma üstünlikli gonandygyny habar berdi.
Starlink tory Ýeriň orbitasynda agramy 500 kg çenli bolan köp sanly kiçi enjamlary ýerleşdirmegiň hasabyna internete elýeterliligi üpjün etmäge niýetlenilendir. SpaceX-iň hasaby boýunça, orbitada jemi 11 müň hemrany ýerleşdirmek mümkin we olary ulanyşa girizmek üçin 10 mlrd dollar gerek.
Ilkinji 60 hemra 2019-njy ýylyň maýynda kosmosa çykaryldy, şol ýylyň noýabrynda hem orbita Starlink enjamlarynyň ikinji tapgyry iberildi. Hemralaryň 13-nji tapgyry oktýabryň başynda uçuryldy. Starlink-iň 60 ulgam hemrasyndan ybarat bolan indiki tapgyry 21-nji oktýabra meýilleşdirilen.
Üstünlikli uçuryşlaryň netijesinde, Ýeriň orbitasyndaky hemralaryň umumy sany 833-e ýetdi. Geljekde olaryň sanyny 12-42 müň töweregine ýetirmek göz öňünde tutulýar.