“Tottenhemiň” hüjümçisi Harri Keýn iňlis premýer-ligasynda täze rekord goýdy diýip, Goal.com habar berýär.
“West Hem” bilen geçirilen bäşinji tapgyryň duşuşygynda hüjümçi iki gol geçirip dubl etdi we gol pasyny berdi, bu bolsa gol-pas ulgamyna görä, ballaryň sanyny 12-ä ýetirmäge mümkinçilik berdi (bäş pökgi we ýedi asist).
Keýn “Arsenalyň” öňki hüjümçisi Týeri Anriden we “Mançester Ýunaýtediň” öňki hüjümçisi Weýn Runiden öňe geçdi. 2004/2005-nji möwsümde Anri çempionatyň başky bäş tapgyrynda 11 netijeli hereket görkezdi. Onuň üstünligini ýedi ýyldan soň iňlis futbolçysy gaýtalady.
“Tottenhem” bilen “West Hemiň” arasyndaky oýun 18-nji oktýabrda - ýekşenbe güni bolup, 3:3 hasabynda tamamlandy. 16-njy minutda "Spurlar" üç pökgi bilen öňe saýlandy, ýöne oýnuň ahyrynda Žoze Mourinýonyň topary öz derwezesine şonça pökgini geçirtdi.
