Ykdysadyýet boýunça Nobel baýragynyň eýeleri yglan edildi

  • 12.10.2020 23:01
  • 4.2k+

2020-nji ýylda ykdysadyýet boýunça Nobel baýragynyň eýeleri Pol Milgrom bilen Robert Wilson boldy. Bu barada Nobel komiteti göni ýaýlymda mälim etdi. Muny lenta.ru habar berýär.

Baýrak auksion teoriýasynyň kämilleşdirilendigi we auksionlaryň täze görnüşiniň oýlanyp tapylandygy üçin berildi. Nobel komitetinde bellenilişi ýaly, auksionlar häzirki zaman ykdysadyýetinde örän möhüm bolup, adamlaryň durmuşyna gönüden-göni täsir edýär. Her gün auksionlar arkaly astronomiki mukdarda pul alyjylar bilen satyjylaryň arasynda paýlanýar.
Wilson bilen Milgrom öz işlerinde auksionlaryň nähili işleýändigini we söwda gatnaşyjylaryň näme üçin özüni belli bir görnüşde alyp barýandyklaryny düşündirdiler. Mundan başga-da, olar özleriniň nazary açyşlaryny radio ýygylyklar, suratlar, näbelli ätiýaçlyklary bolan mineral ýataklary ýaly adaty usulda satmak kyn bolan harytlary we hyzmatlary satmak üçin auksionlaryň düýbünden täze görnüşlerini döretmekde peýdalandylar.
Şeýle söwdalara gatnaşyjylaryň özüni alyp barşyny seljermek kyn, sebäbi olar bar bolan maglumatlara esaslanyp, strategiki hereket edýärler. Şeýle-de, olar bäsdeşleriň bilýän zatlaryny göz öňünde tutýarlar.
Robert Wilson şeýle auksionlarda paýhasly gatnaşyjylaryň bahany özleriniň çak edip bilşinden pes görkezýändiklerini subut etdi. Bu “ýeňijiniň näletinden”, ýagny aktiwiň bahasyny iň ýokary hasaplaýanyň söwdada ýeňiji bolup, soňundan has köp çykdajy edýän ýagdaýyndan gaçmak üçin edilýär.
Ykdysadyýet boýunça Nobel baýragynyň resmi ady – Alfred Nobeliň hatyrasyna Şwesiýanyň döwlet bankynyň ykdysady ylymlar boýunça baýragy. Şwesiýaly alym 1895-nji ýylda wesýetnama düzýär, ol ýerde ykdysadyýet barada hiç zat aýdylmaýar, 70 ýyldan gowrak wagt bäri baýrak lukmanlara, fiziklere, himiklere, ýazyjylara, şahyrlara we syýasatçylara berildi.

şu gün 09:33
2.5k+

Airbus programma üpjünçiligindäki näsazlyklar sebäpli A320 uçarlaryny yzyna gaýtarýar: bu dünýä awiaparkynyň ýarysyna deň

Airbus awiakosmos korporasiýasy programma üpjünçiligi bilen bagly meseleleri çözmek üçin A320 uçarlar toparynyň "aglaba bölegini" yzyna çagyrýandygyny yglan etdi. Bu barada Reuters agentligi habar berýär. Airbus awiakompaniýalara iberen beýanatynda programma üpjünçiliginiň indiki meýilleşdirilen uçuşdan öň çalşyrylmalydygyny tabşyrdy...

şu gün 09:25
461

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

şu gün 09:21
1.2k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

şu gün 09:16
3.4k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...