Türkmenistanda otly gatnawlarynyň togtadylmagy 1-nji oktýabra çenli uzaldyldy

Türkmenistanda otly gatnawlarynyň togtadylmagy 1-nji oktýabra çenli uzaldyldy

«Türkmendemirýollary» agentliginiň resmi saýtynyň habar bermegine görä, Türkmenistanda otly gatnawlarynyň togtadylmagy 1-nji oktýabra çenli uzaldyldy.

Hususan-da, habarda şeýle bellenilýär:

«Hormatly ýolagçylar!
Oktýabr aýynyň 1-ine çenli otly gatnawlarynyň duruzylandygyny habar berýäris».

Öň, TmCars – Habarlaryň habar berşi ýaly,«Türkmendemirýollary» saglyk kepilnamasy esasynda hereket etmek düzgünini girizdi. Ýagny, Aşgabat şäherine gelýän we welaýatara gatnaýan ýolagçylar üçin 2020-nji ýylyň 10-njy awgustyndan başlap, saglyk kepilnamasy esasynda hereket etmek düzgüni girizildi. Türkmenistanyň Saglygy goraýyş we derman senagaty ministrliginiň garamagyndaky edaralar tarapyndan 72 sagat möhlet bilen berlen saglyk kepilnamasy esasynda gatnawlar amala aşyrylýar.

Ýolagçylar «Türkmendemirýollary» agentliginiň operatorlary bilen şu telefon belgileri arkaly habarlaşyp bilerler: +99312383273 / 75 / 76 / 79.