Apple-iň «iPhone 11» smartfony dünýäniň ähli ýurtlarynda diýen ýaly iň köp satylan smartfon boldy. «Counterpoint-iň» berýän maglumatyna görä, telefon ABŞ, Hytaý, Ýaponiýa, Angliýa we Germaniýa boýunça öňdebaryjy bolmagynda galýar. Bu barada dni24.com habar berýär.
Öň Apple-iň özi telefonyň Hytaý bazaryndaky öňdebaryjylygy habar berilýän satuw hasabatyny köpçülige ýetiripdi. “IPhone 11” ähli ýerli smartfonlardan, şol sanda “Xiaomi” we “Huawei” enjamlaryndan öňe geçmegi başardy. Onuň bilen ýeke-täk çynlakaý bäsdeş "Oppo A8" boldy. Şeýle hem, “Counterpoint” “Honor 9X”-iň Hytaýda ilkinji üçlüge girendigini habar berdi.
ABŞ-da hem “iPhone 11”-e uly isleg bildirilýär. “Apple” önümleri eýýäm dördünji nesil smartfonlary peýda bolaly bäri, satylyşy boýunça ABŞ-nyň bazarynda öňdebaryjylygy saklap gelýär. “IPhone 5S” çykandan soň, onuň bilen bäsdeşleriniň arasyndaky tapawut, takmynan, 60% boldy.
Şu ýyl “iPhone 12”-niň hödürlenmegine garaşylýar. Ol 5G maglumat geçiriş tehnologiýasyny goldaýan ilkinji “Apple” smartfony bolar. Bu model 5,4 dýuým diagonally soňky ýyllaryň iň kiçi displeýini alyp biler.