«Liwerpulyň» tälimçisi Ýurgen Klopp 2019/20-möwsümiň Angliýanyň futbol boýunça premýer-ligasynyň iň gowy tälimçisi diýlip yglan edildi, bu barada turniriň saýtynda habar berilýär. Muny RIA Nowosti agentligi ýetirýär.
Kloppdan başga-da, baýraga Frenk Lempard (“Çelsi”), Brendan Rojers (“Lester”) we Kris Uaýlder (“Şeffild Ýunaýted”) dalaşgärlik etdi. Klopp bu baýragyň eýesi bolan birinji nemes boldy.
Klopp 2019/20-möwsüminde “Liwerpuly” 1990-njy ýyldan bäri Angliýanyň çempionatynda birinji ýeňşine getirdi. Topar 38 duşuşykda 99 utuk gazandy.
Öň, nemes hünärmeni Angliýanyň futbol ligasynyň tälimçiler assosiasiýasy (LMA) tarapyndan ýylyň iň gowy tälimçisi hökmünde jenap Aleks Fergýuson adyndaky baýragyň eýesi diýlip atlandyryldy.