Tesla Model 3 hytaý bazarynda awtomobilleriň satuwynyň 11%-ini üpjün etdi

Tesla Model 3 hytaý bazarynda awtomobilleriň satuwynyň 11%-ini üpjün etdi

Tesla Model 3 elektrokaryny şu ýylyň iýulynda elektrokarlaryň hytaý bazarynda 11 014 awtosöýüji satyn aldy. Bu barada CAAM assosiasiýasyna salgylanyp, Regnum agentligi habar berýär.

Şeýlelik bilen, Model 3 elektrokarynyň söwdasy Hytaýyň awtobazarynda täze elektrokarlaryň satuwynyň 11%-ine barabar boldy. Umumy alanyňda, bu döwürde amerikan brendiniň hytaý kärhanasyndan döwrebap enjamlary hem-de howpsuzlygyň we ygtybarlylygyň ýokary görkezijisi bilen tapawutlanýan modeliň 12 570 sanysy çykaryldy.
HHR-de iýul boýunça jemi 100 müň sany elektrokar çykaryldy, bu şu ýylyň iýun aýyndaka garanda 2,4% azdyr. Olardan 98 müň töweregi satyldy (-5,5%). Alnan görkeziji hytaý bazarynda satylan ulaglaryň umumy göwrüminiň 19,3%-ini eýeleýär.
Öň, Tesla kompaniýasynyň ýolbaşçysy Ilon Mask Twitter torunda özüniň sahypasynda kompaniýanyň ýewropa bazary üçin Cybertruck has ykjam elektrik pikapyny çykarmakçydygyny habar berdi.