«Forbes» amerikan neşiri iň ýokary girdejili aktýorlaryň her ýylky reýtingini neşir etdi. Sanawa dünýäde iň baý 10 sany artistler girdi. Bu barada kp.ru habar berýär.
Reýtingiň birinji setirini eýýäm iki ýyl yzygider Dueýn Jonson eýeleýär. Onuň girdejisini Forbes $87,5 million diýip bahalandyrdy. Netflix kompaniýasyndan Jonson görkezilişe taýýarlanýan «Gyzyl duýduryş» («Красное уведомление») filmdäki roly üçin $23,5 mln gazandy. Ikinji orunda bir ýylyň içinde $71,5 mln gazanan Raýan Reýnolds ýerleşdi. Ol hem «Gyzyl duýduryş» filmine düşdi. Bu film aktýora $20 mln getirdi.
Üçlüge $58 mln girdeji bilen Mark Uolberg hem girdi. Onuň býujeti Netflix kartinalarynyň arasynda tomaşa edilen sany boýunça üçünji bolan «Spenseriň adalatlylygy» («Правосудие Спенсера») filminiň hasabyna doldy.
Sanawyň, esasan, Golliwudyň ýyldyzlaryndan ybaratdygyny bilmek kyn däl. Ýöne olaryň arasynda $48,5 mln gazanan hindi aktýory Akşaý Kumar hem bar. Golliwud aktýorlaryndan tapawutlylykda, ol pulunyň köp bölegini mahabatda gazandy.
Reýtinge Ben Afflek ($55 mln), Win Dizel ($54 mln), Lin-Manuel Miranda ($45,5 mln), Uill Smit ($44,5 mln), Adam Sendler ($41 mln) we Jeki Çan ($40 mln) hem girdi.
Umumylykda, olar bir ýylyň içinde 545,5 million dollar gazandylar. Bu puluň dörtden bir böleginden gowragyny aktýorlar Netflix-den gazandylar. Jonsonyň, Reýnoldsyň we Gal Gadotyň çykyş eden «Gyzyl duýduryş» filminiň premýerasy 13-nji noýabra meýilleşdirilen.