2026-njy ýylyň Dünýä çempionatynyň öň ýanynda, Meksikanyň Gwadalahara şäherindäki meşhur «Halisko» stadionynyň öňünde futbol şasy Peläniň boýy 9 metrlik bürünç heýkeli goýuldy.
Ägirt uly ýadygärligi ýörite gurluşyk kranynyň kömegi bilen oturtdylar. Ýerli ýaşajylaryň we tomaşaçylaryň gözüniň öňünde işçileriň heýkeli nädip ýerleşdirendigi asmandan we ýerden wideo düşürildi.
Bu täsin heýkeli meksikaly meşhur suratçy we heýkeltaraş Alehandro Welasko ýasady. «La Canarinha» diýlip atlandyrylan bu eserde Peläniň 1970-nji ýylda Meksikada geçirilen Dünýä çempionatynda Braziliýanyň ýygyndysynyň çempionlygyny şatlyk bilen baýram edişi şekillendirilýär.
Peläniň taryhy ýeňşine şaýat bolan «Halisko» stadiony öňümizdäki 2026-njy ýylyň Dünýä çempionatynyň oýunlaryny kabul etjek esasy arenalaryň biri bolar.
