2025-nji ýylyň sentýabrynda geçirilen ýaryşdan soň, sambo boýunça Dünýä kubogy ýene-de Duşenbe şäherinde bolar. Täjigistanyň paýtagty sambo boýunça halkara ýaryşlaryny geçirmek üçin özüni esasy meýdançalaryň biri hökmünde görkezdi.
19-20-nji sentýabrda geçiriljek ýaryşa dünýäniň dürli ýurtlaryndan türgenler gatnaşar. Medallar ugrunda sport we söweş sambosy boýunça erkekleriň hem-de aýallaryň arasynda 28 agram derejesinde bäsleşiler. Bije çekilişik türgenleriň halkara reýtingi göz öňünde tutulyp geçiriler.
Ýaryşyň meýilnamasyna şular girizildi:
- erkekleriň arasynda sport sambosy: 58, 64, 71, 79, 88, 98 we 98 kg-den ýokary;
- aýallaryň arasynda sport sambosy: 50, 54, 59, 65, 72, 80 we 80 kg-den ýokary;
- erkekleriň arasynda söweş sambosy: 58, 64, 71, 79, 88, 98 we 98 kg-den ýokary;
- aýallaryň arasynda söweş sambosy: 50, 54, 59, 65, 72, 80 we 80 kg-den ýokary.
2025-nji ýylda Dünýä kubogy iki tapgyrda — Ýerewanda we Duşenbede geçirilipdi. Täjigistandaky tapgyra 12 ýurtdan 178 türgen gatnaşdy.
